Uncategorized

Xuska 8-da Maarso oo lagu qabtay Muqdisho

8-da-marso

Munaasabadan lagu xusayay Maalinta Haweenka adduunka oo lagu qabtay Muqdisho ayaa waxaa ka qeyb gashay Marwada Madaxweynaha dalka Marwo Sahro, Guddoomiye ku-xigeenka Barlamaanka, Wasiiro Xildhibaanno, Wakiilo ka socday Beesha Caalamka iyo dadka u olaleeya Xaquuqda Haweenka waxaana lagu soo bandhigay dooda la xiriirta doorka Haweenka ee siyaasadda, Amniga, Arrimaha Bulshadda iyo dhibaatooyinka heysta.

Deeqo Yaasiin Haaji Madaxa Hay’adda IIDA oo qaban qaabisay munaasabadan iyado oo kaashanaysa Midowga Yurub ayaa tilmaamtay in munaasabadan ay ahmiyad gaar ah ugu fadhido haweenka Soomaaliyeed.

Xildhibaan Qadiijo Maxamed Diiriye ayaa sheegtay in sanadkan ay doonayaan in si sharci ah ay ku heelaan qoondada Barlamaanka cusub ay ku leeyihiin haweenka.

Wakiilka Midowga Afrika Ahna Madaxa Howlgalka AMISOM Danjire Francisco Caetano Madeira Wakiilka Midowga Yurub ee Soomaaliya Danjire Michele Cervone d’Urso ayaa si wadajir ah u tilmaamay in Haweenka ay door muhiim ku leeyihiin dismaha Qaranka.

Wasiirka Haweenka iyo Xaquuqda Aadanaha Marwo Sahro Maxamed Cali Samatar iyo Wasiirka Caafimaadka Marwa Xaawo Xasan Maxamed ayaa haweenka Soomaaliyeed ugu hambalyeey munaasabadda maalinta Haweenka Adduunka ee 8-da Maarso.

Gudoomiye ku xigeenka Labaad ee Barlamaanka Mahad Cabdla Cawad ayaa sheegay inay ku dadalayan sidii haweenka ay u heli lahaayeen qoondada loogu talagalay sanadkan cusub.

Marwada Madaxweynaha Dalka Marwo Sahra Cumar Xasan ayaa Haweenka ugu Hambayeeysay Munaasabadda 8 Maarso, waxaana sanadkan kiisa kale ay u rajeysay ina ku gaaraan horumar iyo barwaaqo.